2010 онд хийсэн тавилгануудаас....

Бачаагийн гал тогоо.

Хүүхдийн ор.

Хүүхдийн хичээлийн ширээ, номын тавиур.

Кей Кофе шоопын хананы тавиур.

Замын Үүдийн нэг дэлгүүрийн тавиур

Архангай аймгийн нэг айлын захиалга.

Энэ ор, номын тавиурыг 2007 онд хийж байлаа.

Кей кофе шоопын тейк.

Өгзөгний мөртэй сандал.

Сүүлийн үед хийсэн ажлуудаас...

Коридори

Тааз, хаалганы зохицол

Төмөр хашлаганд модон баоиул, багана хийсэн байдал.

Бетоноор цутгагдсан байсан шатыг модоор өнгөлсөн.

Гадна үүдний бүргэд хаалгыг модоор доторлосон байгаа нь.
Ингэж доторлосны хэд хэдэн давуу тал бий болж байна. Дуу чимээ хаах, дулаан дамжуулахгүй байх, өнгө үзэмж эрс дээшлэх гээд...

Хуучин давхар хаалгыг ингэж хийж байлаа.

Манай гэрийн арк.

Манай аркийг дуурайлгаж гэртээ хийлгэнэ гэж нэг хүн захиалаад бүтэн 4 сар хүлээж байж хийлгэсэн юм. Бидний ажлын зав цаг болж өгөхгүй байсаар ингэж удсан боловч хийсээн.

Классик стилийн загвартай гал тогооны тавилга.

Ийм загварын тавилгыг модоор хийхээс өөр арга байхгүй юм.
Классик стилийн тавилганд маш олон жижиг элементүүд ордог ба тэдгээрийг бүгдийг гар аргаар модоор сийлж хийдгээрээ ихээхэн үнэтэй, чамин эрхэмсэг болдог.

Модерн загвартай гал тогооны тавилга.
Орчин үеийн залуус хурц тод өнгө оруулсан иймэрхүү тавилга хийлгэх дуртай болжээ.
Тод өнгөний цаанаас нь модны судал ширхэг нь туяаран харагдаад
цаанаа л нэг яруухан даа.

Тумбочкандаа гэрэлтэй өргөн ор. Матрасыг нь тавиагүй байна.
Хав хараар будсан ч гэсэн мод гэдэг цаанаа л нэг өөр ажээ.
Будагны цаанаас модны судлууд нь ялгарч харагдаад.

Гранд Хаан Айриш Паабын үүдний өрөөний модон доторлогоо.

Тэйкний арын витрин.

Гранд Хаан Irish Pub. VIP -ийн тэйк.

Төрийн их тамганы эрдэнийн авдар

Монгол улсын ерөнхийлөгчийн тамга болон үндсэн хуулийг хадгалах зориулалттай нэгэн сайхан урлагийн бүтээлийг тун саяхан УГЗ Дэмбэрэлийн Төртогтох шавь нарынхаа хамт урлан бүтээлээ. Урьд нь төрийн их тамга, үндсэн хууль маань энгийн нэгэн хятад сейфэнд хадгалагдаж байжээ.
Энэхүү гайхамшигт бүтээлийг хийхэд манайхны гар бие бага боловч оролцсон юм.
Мужааны талын ажилд нь оролсон юм л даа.
Уг бүтээлийг ган төмөр дээр хээ цохиж, чүнчигноров чулуугаар дэвсгэрлэн, улаан модоор сийлбэрлэж , алт, мөнгө тэргүүт есөн эрдэнийн чимэглэлтэй бүтээсэн юм.
100 гаруй кг жинтэй болжээ.

Гал тогооны тавилга

Айл гэрийн хамгийн нандин хэсэг бол яах аргагүй гал тогооны өрөө тасалгаа юм. Тиймээс сүүлийн үед хүмүүс үүнийг маш сайн ойлгох болж гал тогооны тавилгыг аль болох цэвэр модоор хийлгэхийг эрмэлзэх болсон. Учир нь хятадад хийсэн шахмал хавтангаас болгоомжлох шаардлага их байгаа юм. Тэр шахмал хавтангуудад хүний эрүүл мэндэд маш хортой химийн хорт бодис ихээр агуулагдсан байх магадлал их байдаг.

Манай хийсэн олон сайхан гал тогооны тавилгануудын зах зухаас нь энд танилцуулмаар санагдлаа. Манай гэрийн гал тогооны тавилганаас эхэлье. Энэ тавилгыг 2007 оны зун байшиндаа түймэр гарсаны дараагаар намар хийж байлаа. Сүүлийн үед гал тогооны өрөө, том өрөө хоёрыг хамт байлгах болсон тул тэйк ч юм уу, барьераар тусгаарлах болсон. Тэрний нэг жишээ нь энэ тавилга юм. Маш бага зайтай гал тогоо боловч хэрэглээ нь тун боломжийн. Энэ намар нэг дүнзэн байшингийн жижигхэн зайтай хэсэгт тун боломжийн шийдэлтэй нэг ийм тавилга хийлээ. 2007 оны намар МИАТ-ийн Чингис хаан олон улсын нисэх онгоцны буудалд кофе шоп-ны тэйк хийж байлаа.

Байшингийн модон доторлогоо

Бид нар өнгөрсөн зун Өвөр гүнтийн зусланд нэг таньдаг хүнийхээ байшинд модон доторлогоо хийлээ. Модон доторлогоонд маш олон давуу тал байдаг ажээ. Байшингийн дотор талд байж байгаад л дотоод засал хийх шаардлага гардаг бол модон доторлогоонд тийм юм байхгүй. Хамгийн гол нь ийм мужааны ажлыг маш сайн хийдэг туршлагатай хүмүүсээр хийлгэх хэрэгтэй. Тэгэхгүй бол хайран сайхан мод материалыг баллаж мэднэ. Наанадаж л гэхэд байшингийн доторхи модон хийцийг сайхан харагдуулж, оршин суугчдын эрүүл ахуйд сөрөг нөлөө үзүүлэхгүй лакыг зөв сонгох, модон хийцийн бөх бат холбоос гэх мэт олон олон асуудлыг шийдэж чадах арга туршлагатай ажлын баг байх хэрэгтэйюм билээ. Бидний хувьд олон жил модтой зууралдаж байгаагийнх ямар ч асуудал гарсан байсан түүнийг хөнгөхөн шийдээд байх болсон нь сайн хэрэг.

Энэ айлд гадаа нь бас нэг ийм сүүдрэвч барьж өгсөн дөө.

Дугуйны чиргүүл.

Ирэх жилээс дугуйтай аялал хийхдээ ачаа бараагаа авч явахад нэн тохиромжтой чиргүүл хийхээр төлөвлөж байна. Тэгээд дугуйны чиргүүл хайж онлайнаар үзсэнийх олон сайхан загвар, хэрэглээ зориулалтаасаа шалтгаалж янз бүр байж болохыг олж мэдлээ. Бид нар ч гэсэн 1994-1996 оны хооронд дугуйны чиргүүл хийж багагүй ажил амжуулдаг байж билээ. Тэгээд ч бэнзин тос гээд зардал чирэгдэл болдоггүй, унасан хүндээ эрүүл мэндийг нь сайжруулж өгдөг дугуй гэж үнэхээр сайхан хэрэглээ байх юм. Гэтэл манайд дугуйг амьдрал ахуйд хэрэглэхийн ач тусыг ойлгох нь битгий хэл, ад үзэж хялайж хардаг хүн олон болсон юм шиг санагддаг шүү.